Avropa Şurası Ukrayna və Moldova ilə Avropa İttifaqına daxil olmaq üzrə danışıqlara başlamaq qərarına gəlib.

Bu barədə Avropa İttifaqı Şurasının rəhbəri Şarl Mişel Aİ liderlərinin sammitinin birinci gününün yekunları üzrə məlumat verərkən danışıb.

Bildirilir ki, Avropa İttifaqı ölkələrinin liderləri həmçinin Gürcüstana Aİ üzvlüyünə namizəd statusunun verilməsi barədə qərar qəbul ediblər:

“Avropa Şurası həmçinin Bosniya və Herseqovina ilə Aİ-yə üzv olmaq üçün ölkənin üzvlük meyarlarına tələb olunan uyğunluq dərəcəsinə nail olan kimi Aİ-yə üzvlük danışıqlarına başlamağa razılaşıb”.