Parisdə səfərdə olan Ermənistanın Baş naziri Nikol Paşinyanla Fransa Prezidenti Emmanuel Makron arasında görüş keçirilib.

Bu barədə məlumatı Paşinyanın Mətbuat xidməti yayıb. 

Məlumata görə, tərəflər görüş zamanı Ermənistanla Azərbaycan arasında münasibətlərin normallaşması prosesinə dair məsələləri müzakirə ediblər.

Xatırladaq ki, Paşinyan noyabrın 9-u Fransaya səfərə gedib. O bu gün Parisdə keçiriləcək 6-cı Sülh Konfransında iştirak edəcək.