Ana Vətən partiyasının sədri, Milli Məclisin deputatı Fəzail Ağamalı keçən il taksi sürücüsütərəfindən qarət edildiyi barədə İstanbul polisinə müraciət edib.

İstanbulun "Sabah" qəzetinin yazdığına görə, azərbaycanlı deputatın iddiası əsasında bir taksi sürücüsü məhkəməyə verilib və onu oğurluq etdiyi üçün 10 il həbs cəzası göləyir.

Nəşrin yazdığına görə, Fəzail Ağamalı qızı və nəvəsi ilə birlikdə İstanbulda bir taksiyə minib və otelə aparılmasını istəyib. Taksi sürücüsü yol pulunun 25 lirə olacağını deyib və əvvəlcədən pul tələb edib. Fəzail Ağamalı pul kisəsini sürücüsünə verib və onu geri alanda 2 min lirənin itdiyini görüb. Bundan sonra azərbaycanlı deputat polisə müraciət edərək taksi sürücüsünün ondan pul oğurladığını bildirib.

"Bir taksiyə mindik və Beşiktaşa aparılmasını istədik. Sürücü əvvəlcədən pul tələb etdi. Cüzdanımı çıxaranda əlimdən tutdu. Nə etdiyini soruşdum, ona 25 lirə alacağını bildirdi. Cüzdanı geri aldım. Sonra bir şeydən şübhələndim. Beşiktaşa getməkdən vaz keçərək bu taksidəndən düşdüm. Maşından düşdükdən sonra bildim ki, 2 min lirəm yox olub ”, deyən Milli Məclisin deputatı hadisəni belə izah etdi.

Fəzail Ağamalının ifadəsinə əsaslanaraq taksi sürücüsü Selami T. saxlanılıb və dindirilib. Məhkəmə onun barəsində həbs qətimkan tədbiri seçib.

"Bu adam mənim maşınıma mindi və onu 25 lirəyə Beşiktaşa aparmağımı istədi. Dedim ki, bu məbləğ azdır. Bundan sonra maşından düşdü. Bir müddət sonra pulu ön oturacağın altından tapdım və bu sərnişinə qaytardım. Mən heç bir pul oğurlamamışam və mənə qarşı irəli sürülən ittihamla öz günahımı etiraf etməkdən imtina etmişəm ", deyə sürücü bildirib.
www.anews.az


Paylaş: