Azərbaycandan Rusiyaya toyuq yumurtasının növbəti partiyası idxal edilib.

Bu barədə “Rosselxoznadzor” (Baytarlıq və Fitosanitar Nəzarət Federal Xidməti) məlumat yayıb.

Bildirilib ki, yanvarın 22-nə olan məlumata əsasən Rusiya Federasiyası Azərbaycandan ümumilikdə 3,3 milyon yumurta alıb.

“Yanvarın 21-də Yaraq-Kazmalyar keçid məntəqəsi vasitəsilə Azərbaycandan Rusiyaya sonrakı satış üçün 18 ton (306 min ədəd) həcmində daha bir partiya yumurta gətirilib”, - məlumatda deyilir.

“Rosstat”ın məlumatına görə, 2023-cü ilin dekabrında Rusiyada toyuq yumurtası 2022-ci ilin eyni dövrü ilə müqayisədə 61,35% bahalaşıb. Eyni zamanda, 2024-cü il yanvarın 10-dan 15-dək onların qiymətləri əvvəlki həftə ilə müqayisədə - 2023-cü ilin iyun ayından bəri ilk dəfə olaraq 0,2% ucuzlaşıb.