reklam
Regionxeberlericom.az » İqtisadiyyat » Rus rublu əlimizdə qalıb, banklar götürmür – Bu QANUN pozuntusudurmu?

reklam

Rus rublu əlimizdə qalıb, banklar götürmür – Bu QANUN pozuntusudurmu?

















Azərbaycanda heç bir bank rus rublunu konvertasiya etmir.

Bizim.Media-ya daxil olan şikayətdə bildirilir ki, vətəndaş əlində rus rubulu bütün bankları gəzsə də hamısı bu valyutanı mübadilə etməkdən boyun qaçırıb. Baxmayaraq ki, bütün banklarda rus rubulunun rəsmi məzənnəsi elektron ekranlarda göstərilir. Banklardan sadəcə olaraq bildiriblər ki, biz rus pubulunun məzənnəsini Mərkəzi Bankın tələbinə uyğun olaraq formal qaydada lövhədə əks etdirmişik, mübadilə əməliyyatı isə aparmırıq.

Bəs onda ölkəyə gələn rusiyalı turistlər, yaxud bu ölkədə işləyib pul qazanaraq Azərbaycana qayıtmış soydaşımız pulunu necə konvertasiya edə bilər? Məlumdur ki, Rusiyada da dollara məhdudiyyət olduğundan valyuta dəyişilmir.

Məsələni daha da konkretləşdirərək ekspertimizə belə bir sual ünvanladıq:

Rus rubulunun konvertasiya edilməməsi rəsmi qadağadır yoxsa, bankların öz seçimi? Rus rubulunu mübadilədən imtina edən bank hansısa qanunu pozmuş olmur ki?

İqtisadçı-hüquqşünas Əkrəm Həsənov bildirir ki, məsələ ilə bağlı heç bir qadağa yoxdur.

“Mərkəzi bankın məzənnəsi tədqiq olunur və rəsmi məzənnəyə görə rubl 0.027 qəpikdir. Sadəcə hamı başa düşür ki, Rusiya rublunun həqiqi məzənnəsi bu deyil. Rusiya dövləti bir tənzimlənən məzənnə tətbiq edir, lakin bu gün Rusiya rublunun həqiqi məzənnəsini heç kəs bilmir. Çünki Rusiyanın özünə xaricdən valyuta daxil olmur.

Bunun obyektiv səbəbləri də Ukraynadakı müharibə və bunun fonunda Rusiyaya tətbiq edilən sanksiyalardır ki, banklar da rubl dəyişməyə risk eləmir”.

Ekspert qeyd edir ki, maliyyə sisteminə yaxın olan insanlar panikadan istifadə edib əlindəki valyutanı rubla dəyişmək istəyən şəxsləri qara bazara göndərirlər:

“Əslində ölkədə kiminsə hesabına rubl daxil olubsa, xaricdən rubl gəlibsə, bank rəsmi məzənnə ilə təqdim edilən məbləği konvertasiya edib verməlidir”.

Yaranmış problemlə bağlı Azərbaycan Mərkəzi Bankı ilə də əlaqə saxladıq. Qurumun mətbuat xidmətinin rəhbəri Namiq Əliyev məsələni araşdırıb aydınlıq gətirəcəklərini dedi. Mərkəzi Bankın cavabını gözləyirik.

Qeyd edək ki, rublun alış və satış qiyməti 0.027 və 0.028 azn olduğu halda qara bazarda bu 0.022 azn-dir.




Paylaş:


Müəllif : Tarix:
6-12-2022, 13:02
Sikayət   


loading...
Загрузка...

Oxşar Xəbərlər