Türkiyənin Elazığ şəhərində mədəndə çökmə baş verib.

Regionxeberlericom.az “TRT Haber”ə istinadən xəbər verir ki, hadisə nəticəsində 4 işçi torpaq altında qalıb.

Onlardan biri xilas edilib. Hazırda digər işçilərin xilas edilməsi istiqamətində işlər davam etdirilir. 

Hadisənin hansı səbəbdən baş verməsi hələ ki məlum deyil.

Xatırladaq ki, fevralın 13-ü Türkiyənin Ərzincan şəhərində qızıl mədənində torpaq sürüşməsi baş verib və 9 işçi itkin düşüb. Hazırda onların axtarışları davam etdirilir.