İranın cənub-şərqindəki Kirman vilayətində 5 əsgər yoldaşını öldürən hərbçi saxlanılıb. Bu barədə İRNA agentliyi məlumat yayıb.

Agentlik cənub-şərq hərbi qərargahının komandiri Əmir Qulamalyanın sözlərindən sitat gətirib:“Bu adam Zerend şəhəri yaxınlığında saxlanılıb”.

Hərbçinin bazar günü, yanvarın 21-də beş həmkarını öldürdüyü bildirilir:“Günorta saat 16:35-də qarovulda olan əsgərlərdən biri kazarmaya daxil olaraq həmkarlarına atəş açıb. 5 hərbçi həlak olub. Faktla bağlı araşdırma aparılır”, – Qulamalyan deyib.

Onun sözlərinə görə, atəş açan şəxsin motivləri hələlik məlum deyil.