Rusiyanın Novqorod vilayətində 50-yə yaxın avtomobil toqquşub.

Bu barədə Rusiya Fövqəladə Hallar Nazirliyinin mətbuat xidməti məlumat yayıb.

“Yenilənmiş məlumatlara əsasən, ümumilikdə 20 nəfər xəsarət alıb. Onlardan 4-ü, o cümlədən bir uşaq dünyasını dəyişib. 5-i uşaq olmaqla 16 nəfər xəsarət alıb”, - məlumatda bildirilib.

Moskva istiqamətində nəqliyyatın hərəkətinin dayandırıldığı deyilir. 60-a yaxın yük maşını magistral yolda qalıb. Tıxacın uzunluğu təxminən 1,5 km olub.

Ölkənin İstintaq Komitəsi istehlakçıların həyat və ya sağlamlığının təhlükəsizliyinə dair tələblərə cavab verməyən işlərin görülməsi və ya xidmətlərin göstərilməsi maddəsi ilə cinayət işi açıb.