Alla Puqaçovanın köməkçisi müğənnin Moskvaya qayıtması xəbərini təsdiq edib.

Rusiya mətbuatı xəbər verir ki, Puqaçovanın köməkçisi Yelena Çuprakova yayılan xəbərin düz olduğunu bildirib.

O, Puqaçovanın modelyer Valentin Yudaşkinin dəfn mərasiminə qatılıb- qatılmayacağını bilmədiyini deyib. 

Dəfn mərasimi mayın 6-da baş tutacaq.

Alla Puqaçova və Valentin Yudaşkin uzun illər dostluq ediblər.

Qeyd edək ki, Alla Puqaçova ötən ilin sentyabrında ailəsi ilə birlikdə İsrailə köçüb. Bu ilin aprel ayında onun Ukrayna ordusunu maliyyələşdirilməsinə dair şübhələrlə bağlı araşdırma başlayıb.

Müğənninin Rusiya mətbuatında adının "qara siyahıya" salınmasından sonra bu ölkəyə hansı səbəbdən qayıtması məlum deyil.