Rusiya estradasının kralı Filipp Kirkorov ölkəyə qayıdan SSRİ Xalq artisti Alla Puqaçovanı qınayan KİV nümayəndələrini sərt tənqid edib.

Super.ru nəşri onun sözləri sitat gətirir:

“Siz kimsiniz ki, Alla Borisovnanı müzakirə edir, qınayır, şərh edirsiniz? O, o qədər yüksəkdədir ki... O bu ölkə üçün o qədər şey edib ki, indi ona neqativ nəsə demək günahdır!”

Qeyd edək ki, Filipp Kirkorov və Alla Puqaçova 1994-2005-ci illərdə evli olublar.

Xatırladaq ki, Alla Puqaçova və həyat yoldaşı Maksim Qalkin övladları ilə birlikdə Rusiyanın Ukraynaya qarşı başlatdığı müharibə fonunda ölkədən getmişdi. Ailə bir müddət İsraildə yaşayıb, daha sonra Latviyaya köçüb. Bu günlərdə A. Puqaçova övladları ilə birlikdə Rusiyaya qayıdıb.