Oğuzda canavarlar kəndə hücum edərək xırdabuynuzlu heyvanları parçalayıb.
Hadisə gecə saatlarında rayonun Bayan kəndində qeydə alınıb.

Kəndə hücum edən canavarlar kənd sakini Rəşid Babayevin yaşadığı evin həyətyanı sahəsindəki tövləyə girib. Canavarlar tövlədə olan 19 baş xırdabuynuzlu heyvana xəsarət yetirib, heyvanlardan 10-u tələf olub.

Təsərrüfat sahibi hadisə ilə bağlı müvafiq qurumlara müraciət etdiyini bildirib.

Canavarların parçaladığı heyvanlar bu gün səhər saatlarında kəndin ərazisində baytarlıq təlimatlarına uyğun olaraq basdırılıb, ərazi dezinfeksiya edilib. /APA


Paylaş: