Ötən gün Ağstafa Rayon İcra Hakimiyyətinin başçısı Seymur Orucov və tanınmış aparıcı Alidə Mustafayevanın toyu baş tutub.

Paytaxt restoranlarının birində keçirilən tədbirdə sənət adamları da iştirak edib.

Bunu əks etdirən görüntülər sosial şəbəkələrdə paylaşılıb.

Məlumata görə, qonaqlara cütlüyün görüntülərini paylaşmamaq tapşırılıb.

Qeyd edək ki, Seymur Orucov İqtisad Universitetinin sabiq rektoru və keçmiş deputat Şəmsəddin Hacıyevin qızı Çeşmi Hacıyeva ilə ailəli olub. Onlar bir müddət əvvəl rəsmi şəkildə boşanıblar. Onun bu evlilikdən dörd övladı var. 

Alidə Mustafayeva isə fəaliyyətinə ATV telekanalında başlayıb. Daha sonra ANS TV və İTV-də çalışıb. Hazırda AzTV-də aparıcıdır, həmçinin “Aztelekom” MMC və “Baktelecom” MMC-nin mətbuat katibi vəzifəsində çalışır.