Müsavat partiyasının başqanı Arif Hacılının oğlu Orxan Hacılı vaxtından əvvəl azadlığa buraxılıb. 

Bu barədə Arif Hacılı şəxsi Feysbuk səhifəsində məlumat yayıb. 

Qeyd edək ki, Orxan Hacılıya qarşı noyabrın 1-də Cinayət Məcəlləsinin 263.1 (Yol hərəkəti və nəqliyyat vasitələrinin istismarı qaydalarını pozma - ehtiyatsızlıqdan zərərçəkmiş şəxsin sağlamlığına az ağır zərər vurulmasına səbəb olduqda) və 264-cü (Yol nəqliyyat hadisəsi yerindən qaçma) maddələri ilə cinayət işi açılmışdır. Noyabrın 2-də Bakı şəhəri Yasamal rayon məhkəməsində hakim Rəşad Cavadzadənin sədrliyi ilə keçirilən məhkəmə prosesində Orxan Hacılı barədə iki aylıq həbs-qətimkan tədbiri seçilib.