“Kristal Abşeron” şirkətinin tikdiyi binanın əyilməsi ilə bağlı sakinlərin həyəcan dolu çağırışlarına gecikmiş reaksiya gəlib.

Tribunainfo.az xəbər verir ki, şirkət Qaradağ rayonu “Qobu Park-2” yaşayış kompleksində 16 saylı binanın indi əyilməsini düzəltməyə başlayıb. Amma çox gecikib və vaxtında tədbir görmək lazım idi.

VİDEO BURADA: https://www.youtube.com/shorts/mD0-iSd5e-k?feature=share

DİA.AZ-dan: Hər halda, bu faktın özü belə “Kristal Abşeron” şirkətinin hələ də özünə gəlməməsindən xəbər verir. Nədir məsələ? Cənablar, bu binalarda yaşayış təhlükəlidir və böyür-başına bəzək-düzək vurmaqla binalardakı təhlükəli durumu aradan qaldırmaq mümkün olmayacaq.

Sizlər, yenə də sakinləri yox, məhz özünüzü, “Kristal Abşeron” şirkətinin imicini düşünürsünüz... Bütün gördüyünüz işlər belədir... ÇÖLÜ BƏZƏK, İÇİ...

Hər halda, gərəkən dövlət qurumları bu məsələyə təcili reaksiya verməlidir. Doğrudur, bu gün “Kristal Abşeron” şirkətinin başında dayanan deputat Ağalar Vəliyevin qılıncının arxası da kəsir, qabağı da... yəni ona çətin söz deyə bilən tapıla... Amma tapılacaq! Necə ki, bir neçə gün əvvəl belə bir söz deyildi...

Bunun da nəticəsidir ki, “Kristal Abşeron” şirkəti əl-ayağa düşüb... Amma yenə də növbəti təhlükələr üçün...

Allah camaatımızı qorusun...