Ötən gün Sudanda 72 saatlıq atəşkəs elan olunub.

Atəşkəs yerli vaxtla gecə yarısında (Bakı vaxtı ilə 02:00) qüvvəyə minib.

Bu, aprel ayı ərzində qarşıdurmanın dayandırılması üçün əldə olunan üçüncü razılıqdır, lakin daha əvvəlki ikisinə əməl olunmayıb.

ABŞ dövlət katibi Antoni Blinken ordu ilə Çevik Reaksiya Qüvvələri (ÇRQ) arasında 48 saatlıq danışıqlardan sonra razılıq əldə olunduğunu bildirib.

Münaqişənin hər iki tərəfi müstəqil şəkildə atəşkəsdə iştirak etdiklərini bəyan ediblər.

Tərəflər arasında aprelin 15-də başlayan döyüşlərdən sonra ən azı 400 nəfər həlak olub.

Qeyd edək ki, Sudanda ordu ilə xüsusi təyinatlı bölmə hesab olunan Çevik Reaksiya Qüvvələri (ÇRQ) arasında silahlı qarşıdurma gedir. Vəziyyət ordunun komandiri, eyni zamanda Suveren Şuraya (ölkənin idarəetmə orqanı) rəhbərlik edən Əbdülfəttah əl-Burhan ilə RRF komandiri Məhəmməd Həmdan Daqalo arasındakı ÇRQ-nin nizami orduya planlaşdırılmış inteqrasiyası ilə bağlı fikir ayrılığı səbəbindən gərginləşib. Bu, Sudanın mülki idarəçiliyə qaytarılması ilə bağlı razılaşmanın şərtlərindən biri hesab olunur.

İki silahlı qüvvə arasında aprelin 15-də Merovdakı hərbi baza yaxınlığında və Xartumda toqquşmalar baş verib. Toqquşmalar Sudanın paytaxtı və ən azı 7 ştatda qarşıdurmalara səbəb olub.

Tərəflərdən hər biri digərini hücumda günahlandırır.