“Tesla” və “SpaceX” şirkətlərinə rəhbərlik edən sahibkar İlon Mask Rusiya prezidenti Vladimir Putinlə Ukraynada sülh planını müzakirə etmədiyini bildirib.

İlon Mask bu barədə tvitterdə yazıb.

"Xeyr, elə deyil. Mən Putinlə cəmi bir dəfə danışmışam - təxminən 18 ay əvvəl. Söhbətin mövzusu kosmos olub", - deyə o qeyd edib.

Xatırladaq ki, Avrasiya Qrupunun analitik mərkəzinin rəhbəri Yan Bremmerə istinadən xəbərlər yayılmışdı ki, Mask bir neçə həftə əvvəl Putinlə Ukraynada nizamlanma məsələsini müzakirə edib və bundan sonra bu məsələ ilə bağlı planını tvit edib.