“SpaceX” şirkətinin peyk internet şəbəkəsi olan “Starlink” Ukraynada aktivləşdirilib.

Bu barədə şirkətin və təsisçisi İlon Maskın rəsmi hesablarından paylaşımlar edilib.

“Starlink xidməti hazırda Ukraynada aktivdir”, - deyə Mask bildirib.

Qeyd edək ki, fevralın 26-da Ukrayna baş nazirinin müavini və Rəqəmsal Transformasiya naziri Mixailo Fedorov tvitterdə Maskı etiketləyərək bunları yazmışdı:

“Siz Marsı müstəmləkə etməyə çalışdığınız halda, Rusiya Ukraynanı işğal etməyə çalışır! Raketləriniz kosmosdan uğurla enərkən - Rusiya raketləri Ukrayna vətəndaşlarına hücum edir! Sizdən xahiş edirik ki, Ukraynanı “Starlink” stansiyaları ilə təmin edəsiniz və ağlı başında olan ruslara ayağa qalxmağa müraciət edəsiniz”.