Ermənistan parlamentinin iclasında baş nazir Nikol Paşinyanla ölkənin keçmiş prezidenti Robert Koçaryanın oğlu Levon Koçaryan arasında mübahisə yaranıb.

Bu barədə “Sputnik Armenia” məlumat yayıb.

Məlumata görə, L.Koçaryan baş nazirin təhlükəsizlik siyasətinin iflasa uğradığını iddia edib. Keçmiş prezidentin oğlu N.Paşinyana “sən” deyərək müraciət edib. Buna hakim partiyanın deputatları emosional şəkildə reaksiya veriblər.

N.Paşinyan isə L.Koçaryana daha diqqətli danışmağı tövsiyə edib.