Bu gün mülki geyimli şəxslər “Müsəlman Birliyi” Hərəkatının fəalı, bu təşkilatın himninin müəllifi Kamran Fəratı (Kərimov) evindən aparıblar.

RegionXəbərləricom.az "Turan”a istinadən xəbər verir ki, fəalın həyat yoldaşı onun saxlanılmasını videoya çəkib.

Kadrlarda gəncin Bayıl qəsəbəsindəki evindən çıxarılması, avtomobilə mindirilib aparılması əksini tapıb.

Fəalın həyat yoldaşı onun üzərinə narkotik maddə qoyula və həbs oluna biləcəyini təxmin edir.

Vəkil Zibeydə Sadıqova bildirib ki, Fərat Səbail Rayon Polis İdarəsinin 8-ci polis bölməsinə aparılıb.

Onun sözlərinə görə, Fərat bundan əvvəl qısamüddətli həbslərə məruz qalıb, onun ölkədən çıxışı qadağan edilib.