“Araik Arutyunyan, Cəlal Arutyunyan beynəlxalq axtarışa verilib”.

RegionXəbərləricom.az APA-ya istinadla xəbər verir ki, bu barədə Baş prokuror Kamran Əliyev jurnalistlərə açıqlamasında deyib.

Onun sözlərinə görə, 44 günlük müharibə zamanı Gəncənin dinc əhalisinin raket zərbələri ilə atəşə tutulması və mülki əhalinin qətlə yetirilməsi ilə bağlı Araik Arutyunyan, David Babayan və Cəlal Arutyunyan beynəlxalq axtarışa verilib.

O bildirib ki, axtarışda olan David Babayan artıq həbsdədir: "Yaxın zamanlarda bunlar və digərləri ilə bağlı ictimaiyyətə ətraflı məlumat veriləcək".