Rusiyanın ilhaq etdiyi Xerson və Zaporojye vilayətlərində, eləcə də “Luqansk və Donetsk Xalq Respublikaları”nda hərbi vəziyyət tətbiq olunacaq.

Rusiya Prezidenti Vladimir Putin bununla bağlı sərəncam imzalayıb.

Xatırladaq ki, sentyabrın 23-dən 27-nə qədər “Donetsk və Luqansk Xalq Respublikaları”nda, eləcə də Xerson və Zaporojye vilayətinin rusiyalı hərbçilərin nəzarətində olan hissəsində həmin ərazilərin Rusiyanın tərkibinə daxil edilməsi ilə bağlı “referendum” keçirilib. Sentyabrın 30-u isə Kremldə Rusiya Prezidenti Vladimir Putinin iştirakı ilə sözügedən 4 vilayətin Rusiyanın tərkibinə daxil edilməsi ilə bağlı müqavilələr imzalanıb.