Diş sağlamlığı insanın ümumi sağlamlığının və estetik görünüşünün vacib hissəsidir. Gülümsədiyimiz zaman ilk nəzərə çarpan məhz dişlərimiz olur.

Ancaq dişlər təkcə estetik deyil, həm də düzgün qidalanma, düzgün tələffüz və özünəinam baxımından böyük rol oynayır.

Təəssüf ki, bir çox insan yalnız problem yaşadıqda dişlərinə diqqət yetirməyə başlayır. Halbuki, gündəlik sadə qaydalara əməl etməklə həm dişləri qorumaq, həm də bahalı stomatoloji müalicələrdən qaçmaq mümkündür. Dişlərinizə göstərdiyiniz gündəlik kiçik diqqət, gələcəkdə sizi böyük problemlərdən qoruyar.

Dişləri qorumağın 5 ən sadə yolu:

1. Gündə iki dəfə diş fırçalamaq

Səhər yeməyindən sonra və yatmazdan əvvəl dişləri florid tərkibli diş pastası ilə fırçalamaq kariyesin və diş əti xəstəliklərinin qarşısını alır.

2. Şirin və turş qidalardan uzaq durmaq

Qənd, şirin içkilər və turş meyvələr diş minasına zərər verə bilər. Bu qidaları az qəbul etmək və qəbul etdikdən sonra ağızı yaxalamaq vacibdir.

3. Diş sapından istifadə etmək

Diş fırçası bəzi yerlərə çatmır. Gündə bir dəfə diş sapı ilə diş aralarını təmizləmək ağızda bakteriya yığılmasının qarşısını alır.

4. Mütəmadi olaraq stomatoloqa getmək

6 ayda bir diş həkiminə baş çəkmək erkən problemləri vaxtında aşkarlamağa və müalicəyə başlamağa imkan verir.

5. Su içmək və ağızı tez-tez yaxalamaq

Xüsusilə yeməkdən sonra su içmək və ya ağızı yaxalamaq ağızdakı turşuları neytrallaşdırır və bakteriyaları azaldır.\\ Baku.ws