“Kurska səfəri zamanı Rusiya Prezidenti Vladimir Putinin helikopteri Ukrayna Silahlı Qüvvələrinin irimiqyaslı hücumunun episentrində olub. Onlar prezidentin helikopterini vurmağa cəhd ediblər”.

Bunu Rusiya ordusunun hava hücumundan müdafiə diviziyasının komandiri Yuri Daşkin bildirib.

“Vladimir Putin mayın 20-də Kursk vilayətinə səfər edib. Rusiya Prezidentinin helikopterinin region ərazisi üzərində uçuşu zamanı Kursk vilayətində Ukraynaya məxsus pilotsuz təyyarələrin hücumlarının intensivliyi xeyli artıb, - Yuri Daşkin bildirib.

Daşkin qeyd edib ki, Rusiya hərbçiləri Ukraynaya məxsus PUA-nın hücumunu dəf edib:

“Düşmənin pilotsuz təyyarələrinin hücumu dəf edilib, bütün hava hədəfləri məhv edilib”.