Bakıda 26 yaşlı oğlan kirayə qaldığı evdə qətlə yetirilib.

RegionXəbərləricom.az yazır ki, Xezerxeber.az-ın məlumatına görə, ağır cinayət səhər saatlarında paytaxtın Nəsimi rayonu, Mirəli Qaşqay küçəsində baş verib.

''102'' xidmətinə məlumat daxil olub ki, Tərlan Mədətov evdə öldürülüb. Dərhal əməliyyat qrupu hadisə yerinə gəlib və meyitə baxış keçiriblər. Daha sonra meyit müayinə olunması üçün Məhkəmə Tibbi Ekspertiza və Pataloji Anatomiya Birliyinə aparılıb.

Nəsimi Rayon Prokurorluğundan verilən məlumata görə, 24 yaşlı Səhrab Məlikov evdə tanışı Tərlan Mədətovu bıçaqla xəsarət yetirərək qəsdən öldürməsinə əsaslı şübhələr müəyyən edilib.

Faktla bağlı Nəsimi Rayon Prokurorluğunda ''qəsdən adam öldürmə'' maddəsilə cinayət işi başlanıb. Hazırda ibtidai istintaq davam etdirilir.

Xezerxeber.az mövzu ilə bağlı daha ətraflı videomaterialı təqdim edir: