Hadisə bu gün axşam saat 19:00 radələrində Bakı-Qazax magistral yolunun Ucar rayonun Qazıqumlaq kənd ərazisindən keçən hissəsində qeydə alınıb. Belə ki, hərəkət etməkdə olan "Land Rover" markalı minik avtomobili qəlfətən idarəetməni itirərək aşıb. Nəticədə sərnişinlər - Bərdə rayon sakini, 1985-ci il təvəllüdlü Əsgərova Könül Zabil qızı və Bakı şəhər sakini 1962-ci il təvəllüdlü Şıxəliyeva Tamella Rəsul qızı müxtəlif dərəcəli bədən xəsarətləri alıblar. Yaralılar təcili olaraq Göyçay rayon Mərkəzi Xəstəxanasına çatdırılıb. Hazırda vəziyyətləri orta-ağır olaraq qiymətləndirilir.

Faktla bağlı araşdırma aparılır.

RegionXəbərləricom.az