Bu gecə saat 00:30 radələrində Bakı-Qazax magistralının Ağstafadan keçən 465-ci kilometrliyində ağır yol qəzası baş verib.

RFegionxeberlericom.az “Qafqazinfo”-a istinadən xəbər verir ki, Xəlilov Məmməd İsrail oğlunun idarə etdiyi "VAZ-21099" markalı avtomobil Əsədov Ramil Akif oğlunun sürdüyü “MAN” markalı TIR-a çırpılıb.

Nəticədə sürücü - 35 yaşlı Məmməd Xəlilov və sərnişini Orxan Rzayev aldıqları xəsarətlərdən hadisə yerində ölüblər.

Faktla bağlı cinayət işi açılıb, araşdırma aparılır.

***

Hadisə ilə bağlı Fövqəladə Hallar Nazirliyi də (FHN) məlumat yayıb.

Bildirilib ki, nazirliyin Böhran Vəziyyətlərində İdarəetmə Mərkəzinə Ağstafa rayonunda (Bakı-Qazax avtomobil yolunun 465-ci kilometrliyi) yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub. Məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunub:

"Əməliyyat şəraiti qiymətləndirilərkən müəyyən olunub ki, "VAZ" markalı minik avtomobili və "MAN" markalı yük avtomobili toqquşub, 1 nəfər minik avtomobilində sıxılmış vəziyyətdə qalıb. Həyata keçirilən tədbirlər nəticəsində 1 nəfərin meyiti zədələnmiş nəqliyyat vasitəsindən çıxarılaraq aidiyyəti üzrə təhvil verilib".