Moskva sakini plastik əməliyyat yolu ilə cinayət məsuliyyətindən yayınmağa çalışıb.

“Ren TV”nin məlumatına görə, bu barədə Rusiya DİN-in rəsmi nümayəndəsi İrina Volk açıqlama verib.

Dələduz ər-arvad müxtəlif şirkətlərin hesablarından pulların talan edilməsi ilə bağlı sxem hazırlayıb. Onlar arbitraj məhkəmələrinə saxta sənədlər təqdim edərək, icra vərəqələri əsasında kadr seçimi üzrə xidmətlərə görə yığılan borc məbləğlərini müsadirə ediblər.

Volkun bildirdiyinə görə, axtarışa verildikdən sonra yaxalanmamaq üçün dələduz plastik əməliyyat yolu ilə xarici görünüşünü dəyişib. Hüquq-mühafizə orqanları əməkdaşlarının artıq dələduz ər-arvadı həbs etdiyi deyilir.

Onların vurduğu ziyanın 20 milyon rubldan çox olduğu bildirilir.


Paylaş: