ABŞ Senatı Ukraynaya 13,6 milyard dollar yardım paketinin ayrılmasını təsdiqləyib.

Bu barədə “CNN” məlumat yayıb.

Təcili yardım paketi, xüsusilə, Ukrayna Silahlı Qüvvələrinə və qaçqınlara yardım göstərilməsini nəzərdə tutur, prezidentin Ukrayna və digər müttəfiq ölkələrə müdafiə avadanlığı ötürmək səlahiyyətlərini artırır.

Qanun layihəsində sanksiyaların tətbiqi də nəzərdə tutulub.

Sənəd imzalanması üçün Baydenə təqdim olunacaq.

Qeyd edək ki, qanun layihəsi ötən gün ABŞ Konqresinin Nümayəndələr Palatası tərəfindən təsdiqlənib.