“Qarabağdakı 7 rayonun məzarlıqlarında 70 faiz azərbaycanlı qəbirlərin daşları yoxdur. O qəbir daşlarını Qarabağ erməniləri qoparıb üstün qaşıyıb erməni adlarını yazıblar. Bununla da Ermənistana satıblar”

Bizim.Media xəbər verir ki, bu sözləri bloger Roman Baqdasaryan özünün “Youtube” səhifəsində bölüşdüyü videoda deyib.

Roman ermənilərə sual verib ki, “qəbir daşlarını söküb qanunsuz yolla Ermənistana satan Qarabağ bandaları barədə nə düşünürsünüz?

Bu gün həlak olan bütün ermənilərin yaxınları bilməlidir ki, onların övladları Qarabağ generallarına, Robert Koçaryan, Serj Sarkisyana görə ölüblər. Koçaryan və Sarkisyan 25 il ərzində Qarabağda qorxunc, dəhşətli əməllərin müəllifləridir.

Buna görə də bilin ki, azərbaycanlılar 44 gün ərzindəki qəddarlığı səbəbsiz deyil. Bir daha xatırladıram ki, sizin uşaqlarınız Qarabağ ermənilərinin orada törətdiklərinə görə öldülər”


Paylaş: