Litva Seymi Svetlana Tixanovskayanı Belarusun qanuni prezidenti kimi tanıyıb.

Virtualaz.org "RİA Novosti"yə istinadla xəbər verir ki, bu barədə qətnamənin mətnində deyilir.

Litva deputatları beynəlxalq ictimaiyyəti Tixanovskayaya və Koordinasiya Şurasına dəstək olmağa çağırıblar. Həmçinin Belarus Prezidenti Aleksandr Lukaşenkonun yeni müqavilələr bağlayarkən etdiyi hərəkətlərə ölkənin ilhaqı kimi baxmağı da təklif edirlər.

Litva Seyminin deputatları Svetlana Tixanovskayanın Belarusun seçilmiş və qanuni prezidenti olaraq tanınmasını əvvəldən təklif ediblər.

Bundan başqa, Seymidə Belarus və Rusiya arasında yeni müqavilələrin imzalanmasının Belarus xalqının suverenliyini məhdudlaşdırdığı barədə fikirlər də səsləndirilib. Rusiyadan Belarusun daxili və xarici siyasətinə müdaxilə etməməsini və Lukaşenkonun hərəkətlərini dəstəkləməməsini tələb ediblər.


Paylaş: