“Ukrayna 10 Patriot zenit-raket kompleksi üçün 15 milyard ABŞ dolları ödəməyə hazırdır, lakin Vaşinqton bu sistemləri satmaqdan imtina edir”. 

TASS xəbər verir ki, bu sözləri Ukrayna Prezidenti Volodimir Zelenski deyib.

“Biz ABŞ-dən zenit-raket kompleksini almağa hazırıq və bəzi şəhərləri bağlamaq üçün bizə ən azı 10 Patriot sistemi lazımdır. Bu, 15 milyard dollardır. Biz 15 milyard dolları ödəməyə hazırıq, bu pulu tapacağıq və hər şeyin əvəzini ödəyəcəyik. Bizim hava hücumundan müdafiə sistemlərimiz yoxdur, bu sistemlərimiz kifayət qədər deyil. Bizə lazım olan yeni silahların olduğu paketi ABŞ-ə təhvil verdik. Biz bu paketi almağa hazırıq. Biz bunu avropalı tərəfdaşlarla müzakirə etdik, onlar bizimlə birgə müvafiq paketləri maliyyələşdirməyə hazırdırlar. Mən başa düşmürəm ki, biz niyə ABŞ-lə əlavə Patriot sistemləri barədə razılığa gələ bilmirik? ABŞ deyir ki, bu gün heç bir imkan yoxdur. Amma eyni zamanda, İsrailə belə sistemlər ötürür”, -  Zelenski bildirib.