Xəbər verdiyimiz kimi, şairə Nazilə Səfərli öz "Instagram" hesabında el-obasının adını təxəllüs götürənləri tənqid edib.
Məsələ ilə bağlı müğənni Xuraman Şuşalı fikirlərini bildirib:
“Xuraman Şuşalı təxəllüsünü mənə böyük, ölməz bəstəkar, dahi insan Süleyman Ələsgərov mən hələ 11-ci sinifdə oxuyanda verib. Yəni bu təxəllüsü mən özüm-özümə götürməmişəm. Mən bu təxəllüsə layiq bilinmişəm. Bu gün sosial şəbəkələrdə hamının öz səhifəsi var, hər kəs öz fikrini yaza bilir. Buna da mən normal yanaşıram. Hər kəs özünə cavabdehdir. Kim nə istəyir yazır". 
Xatırladaq ki, Nazilə Səfərli təxəllüs götürmək istəyən məşhurların həmin el-obanın qeyrətli oğullarından icazə almalı olduğunu demişdi:
“Hər hansı tanınmış sima özünü doğrultmadığı halda el birliyi ilə bu təxəllüs o kəsdən geri alınmalıdır: Hər bir yazar, şair, aşıq, xanəndə, mügənni, yaxud adını məşhurlaşdırmağa çalışan və buna müvəffəq olan insan özünə el-obasının (şəhər, kənd, mahal və. s ) adını təxəllüs, ləqəb götürürsə, boynuna ağır yük götürdüyünü dərk etməlidir. Ümumiyyətlə, təxəllüs götürməzdən əvvəl ağsaqqallardan, o el-obanın qeyrətli oğullarından icazə alınmalıdır”.


Paylaş: