Xəbər verdiyimiz kimi, martın 5-də səhər saatlarında qeyri-qanuni erməni birləşmələrinin törətdikləri təxribat nəticəsində Azərbaycan Ordusunun hərbi qulluqçuları Əlibəyli Şəhriyar Ramiz oğlu və Hüseynov Eşqin Cəmil oğlu şəhid olublar.
Bu gün şəhid olan hərbi qulluqçularımızdan biri -  baş leytenant Əlibəyli Şəhriyar Ramiz oğlu 1994-cü ildə anadan olub. Əslən Qəbələ rayonunun Vəndam qəsəbəsindəndir. Yasamalda, Badamdar qəsəbəsində yaşayıb. 2012-ci ildə Badamdarda 236 nömrəli tam orta məktəbi bitirib. Azərbaycan Ali Hərbi Məktəbindən məzun olub. 2020-ci ildə İkinci Qarabağ müharibəsinin iştirakçısı olub. "Xocavəndin azad olunmasına görə", "Şuşanın azad edilməsinə görə" və "Vətən müharibəsi iştirakçısı" medalları ilə təltif olunub. Ailənin tək uşağı olan zabit subay olub.

Bu gün şəhid olan MAXE Eşqin Cəmil oğlu Hüseynov isə 2001-ci ildə Tovuz rayonunda dünyaya gəlib.