"Taliban" sözçüsü Süheyl Şahin Türkiyə ilə bağlı açıqlama yayıb.
Türkiyə mətbuatı xəbər verir ki, Süheyl Şahin açıqlamasında Türkiyə ilə yaxşı münasibətlərinin olduğunu bildirib: "Türkiyə bizim üçün çox əhəmiyyətli bir ölkədir. Dünyanın ən güclü dövlətlərindəndir və İslam ümməti üçün çox xüsusi bir fəaliyyətləri var. Digər tərəfdən Türkiyənin Əfqanıstanla bağını heç bir ölkə ilə müqayisə etmək mümkün deyil. Başqa ölkələrdən daha çox Türkiyənin dostluğuna, dəstəyinə və əməkdaşlığına ehtiyacımız var. Əfqanıstanın zəngin yeraltı sərvətləri var. Ancaq bunları emal etmək gücümüz yoxdur. İşğal və talanlar nəticəsində bütün infrastrukturumuz çöküb. Türkiyə ilə təhsil, iqtisadiyyat, inşaat, enerji və yeraltı sərvətlərin işlənməsi sahələrində əməkdaşlıq etmək istəyirik".
Xatırladaq ki, "Taliban" bir neçə həftə ərzində Əfqanıstanın müxtəlif bölgələrini tuta bildi. Daha sonra 15 avqustda Kabilin ələ keçirilməsi ilə ölkə tamamilə "Taliban"ın nəzarətinə keçdi.


Paylaş: