Polis əməkdaşları ötən gün paytaxt Bakıda və ölkənin ayrı-ayrı rayonlarında vətəndaşlardan 3 avtomat, 4 qumbara, 19 tüfəng götürüb. 

Bu barədə Daxili İşlər Nazirliyindən məlumat verilib. 

Bundan başqa vətəndaşlarda 3 alışdırıcı, 2 patron darağı və 715 ədəd müxtəlif çaplı patron aşkarlanıb. 

Həmçinin, yanvarın 9-da polis əməkdaşlarının keçirdikləri əməliyyat tədbirləri ilə qanunsuz saxlanılan 8 ədəd qumbara, 2 alışdırıcı, 10 ədəd müxtəlif markalı tüfəng, 1 ədəd patron darağı və 103 ədəd müxtəlif çaplı patron aşkar edilərək götürülüb.