“Hələ görərik, bəlkə, Maksim Qalkin, ya Alla Puqaçova prezident oldu. Bu, möcüzə olardı”.

Bu sözləri Latviyanın Xalq artisti Layma Vaykule tanınmış aparıcı Kseniya Sobçakın “Ostorojno: Sobçak!” yutub layihəsində deyib.

O, Qalkinə səs verəcəyini bildirib: “Düşünürəm ki, rusiyalılar da səs verərdi. Rusiyalılar, düşünün”.

L. Vaykule K. Sobçakın “təsəvvür edin ki, hər şey bitib, Rusiyada azad seçkilərdir və Maksim Qalkin həbsdən çıxmış Aleksandr Navalnıyla prezident seçkilərində rəqabət aparacaq. Siz kimi dəstəkləyəcəksiniz” sualına isə belə cavab verib:

“Bu, vacib deyil. Maksim siyasətçi deyil, ona görə də ideal prezident olardı, çünki onda bütün insani keyfiyyətlər var. Siyasətçi olan digər bütün insanlar başqa cür düşünürlər. Onlar başqa cürdür. Məsələn, məndən heç vaxt siyasətçi çıxmazdı, çünki mən düşündüyümü danışıram. Bu, dəhşətdir”.

Qeyd edək ki, M. Qalkin müharibədə Ukraynanı dəstəklədiyi üçün Rusiyada “xarici agent” kimi tanınır. Onlar ailəlikcə İsrailə köçüb.