Sentyabrın 4-də Rusiyanın Leninqrad vilayətinin Vsevolojsk şəhərində yeni doğulmuş uşağı tərk edən qadının 12 il əvvəl oğlunu öldürdüyü məlum olub.

Bu barədə brief24.ru məlumat yayıb.

Şəhər sakinləri zibil qutusunun yanında qutuda yeni doğulmuş qız uşağı tapıblar. Polis tez bir zamanda körpənin anasını taparaq saxlayıb. Uşaq ağır vəziyyətdə reanimasiyaya yerləşdirilib. Məlum olub ki, qadın daha əvvəl dəhşətli cinayət törədib - 12 il əvvəl oğlunu öldürüb.

Belə ki, 2013-cü ildə 26 yaşlı qadın evində azyaşlı oğlunu uşaq bezi ilə boğaraq öldürüb. Buna səbəb körpənin daim qışqırması olub. Törətdiyi cinayətə görə qadın doqquz il həbs cəzası çəkib.

Bundan əlavə, qadın, həmçinin yetkinlik yaşına çatmayan uşağın tərbiyəsi ilə bağlı vəzifələrini yerinə yetirilməməsi, dələduzluq, əxlaqsızlıq yuvalarının təşkil edilməsi və saxta qeydiyyatda olmaqda dəfələrlə məhkum olunub.

Bir neçə gün əvvəl qadın qız uşağı dünyaya gətirib və onu binanın girişlərindən birində tərk edib. Həkimlər uşaqda ciddi xəsarət aşkar etməyiblər. Lakin körpənin göbək bağının qoparıldığı məlum olub. Leninqrad vilayətinin İstintaq Komitəsi ana tərəfindən yeni doğulmuş körpəni öldürməyə cəhd faktı üzrə cinayət işi açıb. Tezliklə onun barəsində cinayət işi açılacaq və həbs qətimkan tədbiri seçiləcək.