“Microsoft” şirkəti “Windows 11”də Başlat menyusuna reklam bildirişləri əlavə edəcək. 

Bu barədə “BleepingComputer” portalı məlumat yayıb.

Yenilik əməliyyat sisteminin KB5023778 yeniləməsindən sonra ortaya çıxıb.  

Əməliyyat sisteminin yeni versiyası ilə tanış olanların sözlərinə görə, “pop-up” bildirişdə “Microsoft” məhsulları haqqında məlumatlar var. 

Beləliklə, şirkət onun köməyi ilə istifadəçilərə “OneDrive” yaddaşı vasitəsilə məlumatların ehtiyat nüsxəsini çıxarmağı təklif edəcək. 

“Microsoft”un məlumatına görə, hazırda bu yenilik məhdud sayda istifadəçilər üçün əlçatandır. 

Qeyd edək ki, bir çox istifadəçi bu yenilikdən narazıdır.