“Rabitəbank”ın problemli kreditləri artmaqda davam edir.

Bankın problemli kreditləri 2024-cü ilin IV rübünə nisbətən 2025-ci ilin I rübündə 2,49 milyon manat və ya 10,4% artaraq 26,36 milyon manata yüksəlib. Əvvəlki dövrdə bu rəqəm 23,87 milyon manata bərabər idi.

Bu artım, bankın ümumi kredit portfelində problemli kreditlərin payının da artmasına səbəb olub. Belə ki, həmin dövrdə problemli kreditlərin ümumi portfeldə çəkisi 2,8%-dən 3,0%-ə yüksəlib.

"Rabitəbank"da ən böyük problemli kredit artımı biznes kreditləri portfel üzrə qeydə alınıb. Burada artım 2,09 milyon manat və ya 10,4% təşkil edərək, 20,07 milyon manatdan 22,15 milyon manata çatıb.

Problemli kreditlərdə digər bir nəzərə çarpan artım istehlak kreditləri portfelində baş verib. Bu seqment üzrə problemli kreditlər 404 min manat artaraq 3,75 milyon manatdan 4,16 milyon manata yüksəlib.

Cüzi həcmdə də olsa, bankın daşınmaz əmlak seqmenti üzrə də problemli kreditlərində artım qeydə alınıb və məbləğ 52 min manatdan 55 min manata yüksəlib.

Hesabat dövründə bankın ümidsiz kreditləri isə 18,69 milyon manatdan 19,03 milyon manata çatıb.

Qeyd edək ki, banklarda 90 gündən artıq gecikdirilən kreditlər problemli kreditlər hesab edilir.

Xatırladaq ki, “Rabitəbank” 1993-cü ildə yaradılıb. Onun nizamnamə kapitalı 101,3 milyon manatdır. Bankın səhmlərinin 40,6%-I Əliyev Rauf Zeynal oğluna, 20,13%-i Abbasova Validə Maarif qızına,  14,45%-i bankın Müşahidə Şurasının sədri Nuriyev Zakir Əlibaba oğluna, 14,51%-i Nuriyev Seyran Əlibaba oğluna, 9,11%-i isə Nuriyeva Dilarə Nəsrəddin qızına aiddir.