Türkiyəli müğənni və rejissor Mahsun Kırmızıgül ard-arda yaxınlarını itirməsinin ardından ürək ağrısı şikayəti ilə xəstəxanaya müraciət edib.

Türkiyə mətbuatı xəbər verir ki, sənətçi İstanbul Bakırköy Dr. Sadi Konuk Təhsil və Araşdırma Xəstəxanasının Kardiologiya şöbəsində müayinə olunub. Yoxlamalardan sonra Mahsun Kırmızıgülün səhhətində ciddi problem aşkarlanmayıb.

Qeyd edək ki, Kırmızıgül 6 dekabr 2024-cü ildə anası Faike Bazenciri itirib. Bu itkinin ardından ögey anası Zühre Bazencirin və 13 martda yaxın dostu Sərşat Erbilginin vəfatı sənətçini dərindən sarsıb.

Sosial media hesabında paylaşım edən Mahsun Kırmızıgül yaşadıqlarını belə ifadə edib: "İçim yanır, ard-arda gələn itkilər insanın qəlbini dağıdır".

Kırmızıgülə dərin psixoloji təsir göstərən son hadisələr, onun sağlamlığına da təsir edib. Xüsusilə çox sevdiyi sənətçilər Edip Akbayram və Volkan Konakın vəfat xəbərlərinin ardınca ürək ağrısı yaşayan sənətçi dərhal xəstəxanaya aparılıb. Həkimlər onun vəziyyətinin normal olduğunu açıqlayıb.