Qeyri-sabit hava şəraiti bir sıra bölgələrdə olduğu kimi, Tovuzda da fəsadlar törədib. Rayonun Əsrik Cırdaxan kəndinə sel gəlib.

Vətəndaşlara, kənd yoluna, eləcə də elektrik xətlərinə ziyan dəyib. Kənd sakinləri yolun asfalt örtüyünün bir hissəsinin uçduğunu, digər hissələrin isə uçma təhlükəsi ilə üzləşdiyini bildiriblər.

"Yağış sularına və torpaq sürüşməsinə qarşı istinad divarı tikdirmişdim. Fəlakət nəticəsində həmin divar maşınımın üstünə uçub. Evimin iki otağına zərər dəyib, özüm də sinəmdən və kürəyimdən xəsarət almışam. Bura sərhəd zonası olduğuna görə ərazidə hərbi maşınlar çox işləyir. Bu gecə kənd camaatı ilə birlikdə yatmayıb, qarovul çəkdik ki, birdən həmin maşınlar əraziyə düşər", - deyə sakinlərdən biri bildirib.

Ətraflı Baku TV-nin süjetində: