Bu ilin yanvarında insult keçirən Xalq artisti Fatma Mahmudova ilk dəfə efirə çıxıb.

O, “Tarixin bir günü” verilişinə qonaq olub.

“Mən Allahımdan çox razıyam, ona təşəkkür edirəm. Mən o dünyadan bu dünyaya gəlmişəm. Bu gün yaşayıramsa, bunun hamısını Allah edib. Bilmirəm, bəlkədə kiməsə yaxşılıq etmişəm. Mən pislik edən adam olmamışam. Elə bir vəziyyətdəyəm ki, heç bir verilişə gedə bilmirəm. Damla-damla göl olar. 1991-ci ildə ağır qəza keçirmişəm. Gəncənin girişində avtobus partladı, mən o terrorun ilk qurbanı oldum. Gəncə teatrının aktyorları məni meyitlərin içərisində axtarıb. Yaxşı ki, Allah mənə bunları etdi. Belə olmasa idi, yaxşı ilə pisi tanımayacaqdım. Mən çox adamları tanıdım...”, - deyə, o bildirib.