Vatsap messencerinə yeni funksiya əlavə olunub.

Bu barədə “WABetaInfo” portalı məlumat yayıb.

Belə ki, vatsapın “iOS” əməliyyat sistemində istifadəçilər proqramdakı sənədləri skan edə biləcəklər.

Bildirilib ki, istifadəçilər cihazların kamerasından istifadə edərək sənədləri skan edə və onları dərhal söhbətə və ya qrupa göndərə biləcəklər.

Bu funksiya proqramın yenilənməsindən sonra yaxın günlərdə daha çox istifadəçi üçün əlçatan olacaq.