ABŞ sakini olan 100 yaşlı qadın ad gününü özünəməxsus şəkildə qeyd edib.

“The Meadville Tribune”  məlumatına görə, Missuri ştatının Vebb Siti şəhərindən olan Peqqi Volf yubileyi şərəfinə paraşütlə tullanıb.

Qadın üç kilometr hündürlükdən paraşütlə tullanaraq onu təbrikə gələn dostlarını təəccübləndirib. 

Uçuş zamanı Volf bir ayaqqabısını itirsə də, buna heç üzülməyib. 

Qeyd edək ki, Volf ilk dəfə paraşütlə 92 yaşında tullanıb.

Amerikalı qadın hesab edir ki, o, üç sadə qayda sayəsində bu qədər uzun yaşayıb. Bunlar aktiv həyat tərzi sürmək, düzgün yemək və spirtli içkilərdən çox istifadə etməməkdir.