Bəzi insanlar sağ ikən özlərinə qəbir yeri, torpaq sahəsi alırlar. Sözsüz ki, indi ölü öləndə onun tək ölməyini yox,yasını yox, harda basdırılmasını daha çox problem edib düşünürük. Necə deyərlər adam ölməyinə peşman olur.

Yer tapmaq Bakıda daha müşkül məsələyə çevrilib. Qəbr yerlərinin qiyməti yerləşdiyi məkana görə dəyişir. 500 manatdan 5000 manata qədər məzar yerinin xərci var.

Mütəxəssizlər deyir ki, qanunda qəbr yerini satışının və ya rezerv edilməsinin heç bir əsası yoxdur. Lakin bir halda istina var. Belə ki, ər və ya arvad vəfat etdikdə həmin şəxslərin dəfn etdiyi məzara qonşu olan məzarı rezerv etmək hüququ vəfat edən şəxslərin həyat yoldaşına verilir.

Məsələ ilə bağlı hüquqşünas Ramil Süleymanov bildirib ki, qəbir yerlərinin qabaqcadan satışı və ya bron edilməsi qanunvericilikdə nəzərdə tutulmayıb. Vətəndaşlar tərəfindən artıq tutulmuş ərazi varsa,

Daşınmaz əmlakın dövlət reyestrinin tələblərinə dair müvafiq sənədlər təqdim olunmaqla həmin əraziyə çıxarış əldə etmək mümkündür. Amma bu o demək deyil ki, vətəndaşlar öncədən qəbir yeri ala bilər.

Qəbirsanlıqlar tam bələdiyyələrinin tərkibinə keçməsə bu kimi problemlər davam edəcək.

Ekspert Vüqar Tofiqli deyir ki, bələdiyyələr müəyyən dərəcədə nəzarət edə bilər. Amma yer satılması, qiymət qoyulması gözə görünməyən qüvvələr rol oynuyur. Bu da narazılıqlara səbəb olur. Bütün bunların həll yolu qəbirsanlıqların tam bələdiyyəyə verilməsi ilə mümkün ola bilər.

Vəfat edən şəxs kimsəsiz bu halda o harda basdırılır?

Sualımıza cavab olaraq Masazır bələdiyyəsinin nümayəndəsi Azər Osmanov bildirdi ki, kimsəsiz olan vətəndaşlarımızda da əgər yenə qeydiyyatı aidiyyatı üzrədirsə, məsələn Masazır kəndi üzrədirsə, bütün proseduru dəfn xərcləri, dəfn olunması bələdiyyə öz üzərinə götürür. Ölüm kağızı təqdim olunandan sonra həmin ərazi üzrə şəxsə tək nəfərlik yer ayrılır.

Mütəxəssizlər qeyd edir ki, qəbirsanlıqlar vahid bir quruma təhvil verilməlidir. Daha dəqiq desək, idarəetmə bütövlükdə bələdiyyələrə verilməsi təmin edilməlidir.Milli.Az