Rusiya Xarici İşlər Nazirliyinin rəsmi nümayəndəsi Mariya Zaxarova ABŞ dövlət katibi Entoni Blinkenin Azərbaycan və Ermənistanın tezliklə sülh sazişi imzalaya biləcəyi ilə bağlı bəyanatını şərh etməyib.

"RIA Novosti" xəbər verir ki, o, həftəlik brifinqdə bildirib:

“Gəlin, baş verən hadisələrə münasibət bildirək və perspektivləri şərh edənlər onsuz da çoxdur. Amma yenə də ondan irəli gəlirik ki, əvvəlcə bu baş verməlidir, sonra bu lazım olacaq-olmayacaq və ya bu barədə şərh vermək mümkün olacaq. Biz həmişə şərhlərə açığıq, lakin hələlik şərh etmək üçün sadəcə heç nə yoxdur”.