"Rusiya prezidenti Vladimir Putin türkiyəli həmkarı Rəcəb Tayyib Ərdoğana Ukrayna məsələsində bir sıra tələblər irəli sürə bilər."

 Bunu Lenta.ru-ya müsahibəsində Maltəpə Universitetinin professoru Həsən Ünal (İstanbul) söyləyib.

 Politoloq Rusiya liderinin qaldıra biləcəyi məsələləri də qeyd edib. Onun sözlərinə görə, Putin Ankaradan mümkün hərbi əməliyyatlar zamanı "Bayraktar" pilotsuz təyyarələrinin Ukraynaya çatdırılmasını dayandırmağı və Montryö Konvensiyasından irəli gələn öhdəliklərə əməl etməyi xahiş edə bilər. Bu o deməkdir ki, Rusiya ilə Ukrayna arasında münaqişə baş verərsə, Türkiyə faktiki olaraq müəyyən dərəcədə neytral mövqe tutacaq”, - Ünal izah edib.

 Bundan əvvəl Türkiyənin xarici işlər naziri Mövlud Çavuşoğlu bildirmişdi ki, Ankara Putinin Pekində Olimpiya Oyunlarının açılışına səfərindən sonra onun səfərini gözləyir. Bundan əvvəl Rusiya prezidentinin mətbuat katibi Dmitri Peskov bildirib ki, Putin Türkiyə liderinin ölkəyə səfər dəvətini qəbul edib. Bu, siyasətçilərin qrafikləri və epidemioloji vəziyyət imkan verən kimi baş verəcək.

 Xatırladaq ki, Montryö Konvensiyası qeyri-Qara dəniz ölkələrinin riayət etməli olduğu sülh dövründə boğazlardan keçərkən döyüş gəmilərinin tonajına məhdudiyyətlər nəzərdə tutur. Müharibə zamanı Türkiyənin Bosfor və Çanaqqala boğazlarını bütün xarici döyüş gəmiləri üçün bağlamaq hüququ var.

 Sultan Laçın