Şəmkirdə dönərdən kütləvi zəhərlənmə faktı qeydə alınıb.

11 nəfər böyük və eyni sayda yeniyetmə dönərdən zəhərlənmə diaqnozu ilə Şəmkir rayon Mərkəzi Xəstəxanasına çatdırılıb. 

Həmin şəxslərin vəziyyəti orta-ağırdır. 

Hadisənin təfərrüatları araşdırılır.

***

Şəmkirdə zəhərlənənlərin kimliyi bilinib.

Onlar Xədicə Abbasova (2014), Ömər Abbasov (2020), Şəmkir rayonunun Düyərli kənd sakinləri Novruz Süleymanlı (1996), Türkan Süleymanova (1998), Aygün Vəliyeva (1998), Rübabə Əhmədova (1975), Aytac Qurbanova (2020), Duyğu Bayramlı (2019), Şahnaz Babayeva (2011), Aydan Hüseynova (2022), Hüseyn İsmayılov (2016), Səbuhi İsmayılov (2019), Gülər Bayramlı (1986), Gədəbəy rayon sakini Vüsal Hüseynov (1990), Gülər İsmayılova ( 1986), Aygün Vəlizadə (1998), Türkanə Süleymanova (1996), Rübabə Əhmədova (1975), Gülər Bayramlı (1986), Novruz Süleymanlıdır.

İlkin məlumata görə, həmin şəxslər  “Almalı” dönər evində yedikləri dönərdən zəhərləniblər. Siyahının artma ehtimalı var.

***

TƏBİB hadisə ilə bağlı açıqlama yayıb:

“20.08.2025-ci il tarixində saat 18:30 radələrindən başlayaraq zəhərlənmə şübhəsilə 20 nəfər (7-si kişi cinsli, 13-ü qadın cinsli olmaqla) Şəmkir Rayon Mərkəzi Xəstəxanasının Təcili yardım şöbəsinə hospitalizasiya olunub.

Onlardan 9-u azyaşlıdır. Müraciət edənlərin hər birinə zəruri tibbi xidmət göstərilib. 

15 nəfər ambulator müalicə üçün evə buraxılıb. 5 nəfərin isə müalicəsi xəstəxanada davam etdirilir.  Vəziyyətləri qənaətbəxş qiymətləndirilir”.

Xatırladaq ki, Tovuzda da 4 nəfər dönərdən zəhərlənib.