Kosta-Rika sahillərində - Karib dənizinin sularında narıncı rəngdə köpəkbalığı görüntülənib.

Bu barədə “The Sun” nəşri xəbər verir.

Məlumata görə, təxminən 1,8 metr uzunluğunda olan köpəkbalığı “Tortugero” Milli Parkının yaxınlığında 37 metr dərinlikdə aşkarlanıb. 

Bildirilib ki, köpəkbalığının rəngi piqmentasiya pozuntusu nəticəsində dəyişib.

O da qeyd olunub ki, Karib dənizində köpəkbalığı, skat və digər bu kimi qığırdaqlı balıqlar arasında bu hal ilk dəfə qeydə alınıb.