Mobil oyunlara fokuslanan Azərbaycanlı həmyerlimizin startapı Passion Punch, investisiya alması xəbəri ilə gündəmə gəlib.

Regionxeberlericom.az FED.az-a istinadla xəbər verir ki, Passion Punch tərəfindən verilən məlumata görə, startap toxum investisiya turunda 4 milyon dollar investisiya əldə etməyi bacarıb. Əlavə edək ki, investisiya raundu 39 milyon dollar dəyərində həyata keçirilib. Qeyd etmək lazımdır ki, investisiya alan oyun startapının həmsəsisçilərindən biri Azərbaycanlı həmyerlimiz Vüqar Həsənidir.

4 milyon dollarlıq toxum investisiya raunduna Colendi Global rəhbərlik edib. İnvestisiya turuna eyni zamanda Turkcell YT GSYF, Re-Pie Portfolio və mələk investorlar qatılıb. 3 il bundan əvvəl qurulan oyun startapı mobil oyunları ilə 200 milyondan çox oyunçuya çatıb. Oyun startapı tərəfindən paylaşılan məlumata görə, təşəbbüs startapın iş modelində əhəmiyyətli dəyişiklik edəcək.

Blokçeyn texnologiyası sayəsində, oyunçuları layiq olduqları kimi mükafatlandıra biləcəklərinin qarşısında dayana bilməyəcəklərini bildirən Passion Punch həmtəsisçisi və baş direktoru həmyerlimiz Vüqar Həsəni, baxışlarını tamamilə web3 oyunlarına çevirdiklərini açıqlayıb. “Blokçeyn texnologiyası sayəsində, oyunçuların oyunlardan axtardığı sahiblik hissini layiq olduqları kimi mükafatlandırma hissinə qıraqdan baxa bilməzdik. Bu heyrətamiz dəyişiklik baş verəndə (web 3, blokçeyn) biz lazımı yerdə olacağıq.” deyə Vüqar Həsəni bildirib.

Effektiv hekayələri ilə seçilən mobil Passion Punch-ın həmtəsisçisi və CBSO-su Burak Ökmen bildirib ki, startapları mobil oyun sənayesindəki təcrübəsindən istifadə edərək F2P (pulsuz) və web3 dünyasını bir araya gətirməyə çalışırlar. Rəqabətin hələ yüksək səviyyəyə çatmadığı bu bazara rəhbərlik etməyi hədəflədiklərini qısa olaraq bölüşür. Colendi Global-ın CEO-su Bülent Tekmen, oyun startaplarının web3-ə keçidini və mobil oyunların gələcəyi ilə bağlı vizyonunu dəstəkləməyin onlar üçün həyəcanlı olduğunu bildirir. //Tetroid.com//